Framkvæmdastjóri ReSource International ehf.
Stjórn ReSource International ehf. leitar að öflugum leiðtoga til að taka við stöðu framkvæmdastjóra fyrirtækisins. ReSource er leiðandi fyrirtæki á sviði umhverfismála. Verkefnin eru fjölbreytt og krefjandi og þess vegna leitum við að einstaklingi sem er opinn fyrir nýjungum og ögrandi verkefnum á sviði umhverfismála. Starf framkvæmdastjóra felst meðal annars í því að vera leiðandi í viðskiptaþróun ásamt því að hafa góða yfirsýn yfir þau ráðgjafar- og þróunarverkefni sem unnið er að hverju sinni. Framkvæmdastjóri ber einnig ábyrgð á daglegum rekstri fyrirtækisins.
HELSTU VERKEFNI
- Viðskipta- og vöruþróun
- Sækja á nýja markaði tengt umhverfismálum
- Stýra daglegum rekstri fyrirtækisins
- Mannauðsmál og fjárhagur fyrirtækisins
- Ráðgjöf til viðskiptavina
HÆFNISKRÖFUR
- Menntun sem nýtist í starfi t.d. umhverfisverkfræði, umhverfis- og auðlindafræði, náttúruvísindum eða sambærilegu námi.
- Reynsla og þekkingu í rekstri og stjórnun
- Leiðtogahæfni og góð færni í mannlegum samskiptum
- Þekking og/eða reynsla á, sem dæmi: Fráveitum, lífgasi, úrgangsstjórnun, bókhaldi gróðurhúsalofttegunda (GHG), BREEAM og vistferilsgreiningum (LCA) er kostur.
- Sjálfstæð vinnubrögð og góð þjónustulund ásamt því að vinna vel í hópum.
- Mjög góð kunnátta í íslensku og ensku í ræðu og riti.
Nánari upplýsingar veitir Sigrún Sigurgeirsdóttir skrifstofustjóri í síma 571-5864. Umsóknarfrestur er til og með 10. mars 2022. Vinsamlegast sendið umsóknir ásamt ferilskrá á job@resource.is.