Hringrásargarður Álfsnesi
Þróun hringrásargarða hefur hafist víðs vegar um landið undanfarin ár. Síðustu misseri hefur legið í loftinu sú hugmynd að þróa slíkan garð á Álfsnesi. Þannig mætti hringrásarvæða betur hagkerfi svæðisins, draga úr kolefnisspori og koma okkur nær þeim markmiðum að minnka urðun. Vorið 2023 valdi Reykjavíkurborg teymi ReSource International, M/Studio og Transition Labs til að vinna fýsileikakönnun um mögulegan hringrásargarð í Álfsnesi.
ReSource greindi auðlindastrauma sem liggja um Álfsnes og móttökustöð SORPU í Gufunesi sem og innviði í Álfsnesi. Auglýst var eftir fyrirtækjum sem hefðu áhuga á að byggja upp sína starfsemi á svæðinu. Settar voru fram hugmyndir um hvernig iðnaðarvistkerfi gætu mótast í hringrásargarðinum. M/Studio tók við boltanum og dró upp tillögu að deiliskipulagi og leiðum til að gera svæðið að aðlaðandi útivistarsvæði. Að lokum gerði Transition Labs greiningu á mögulegu rekstrarformi og setti fram tillögu um verkáætlun, fjármögnun og markaðssetningu auk þess sem framkvæmd var áhættu- og hagaðilagreining.
Niðurstaða hópsins var sú að Álfsnes hentar mjög vel fyrir hringrásargarð. Nesið býr yfir góðum innviðum á borð við höfn og vegtengingar í nokkrar áttir eru í kortunum. Á svæðinu eru fjölbreyttir auðlindastraumar sem byggja má rekstur meðfram og viðskiptahugmyndum þeirra fyrirtækja sem sýndu áhuga er vel hægt að raða saman í iðnvistkerfi sem mynda hringrás.
Fýsileikakönnuninni var skilað í nóvember 2023. Skýrslan er einungis fyrsta skref í þróun garðsins en Reykjavíkurborg mun vinna að framgangi verkefnisins á næstu árum. Hér er tengill á fýsileikakönnunina
Ef þú hefur áhuga á að fræðast meira um verkefni okkar tengd hringrásargörðum, hafðu þá samband.
Hér eru önnur sambærileg verkefni ReSource :
- Grænn iðngarður á Bakka nærri Húsavík
- Skýrsla um Suðurnesjavettvang
Við höfum einnig aðstoðað við önnur verkefni í hringrásarhagkerfinu sem dæmi :
- Aðstoðað fyrirtæki við að koma úrgangi í betri nýtingu, t.d. endurvinnslu í stað urðunar
- Gert vistferilsgreiningar til stuðnings hringrásarvæddri vöruþróun, m.a. hjá Malbikstöðinni og Pure North oflr.
- Tekið þátt í verkefni við að hringrásarvæða hagkerfi Asóreyja